లష్కరు బోనాలు వేడుకలకు రండి :కెసిఆర్ కు పద్మారావు గౌడ్ ఆహ్వానం
లష్కరు బోనాలు వేడుకలకు రండి : కెసిఆర్ కు పద్మారావు గౌడ్ ఆహ్వానం
సికింద్రాబాద్ : ఈ నెల 21వ తేదిన జరిగే సికింద్రాబాద్ బోనాలు వేడుకల్లో పాల్గొనాలని బీ.ఆర్.ఎస్. అధినేత, తొలి ముఖ్యమంత్రి కల్వకుంట్ల చంద్రశేఖర్ రావును సికింద్రాబాద్ శాసనసభ్యుడు, మాజీ డిప్యూటీ స్పీకర్ తీగుల్ల పద్మారావు గౌడ్ ఆహ్వానించారు. ఈ మేరకు ఆయన శుక్రవారం ఎర్రవల్లి లోని వ్యవసాయ క్షేత్రంలో కెసిఆర్ ను కలిసి ఆహ్వానించారు. చాలా సంవత్సరాలుగా సికింద్రాబాద్ బోనాలు వేడుకల్లో పాల్గొని మోండా మార్కెట్ లోని పద్మారావు నివాసంలో విందుకు కెసిఆర్ హాజరు కావడం రివాజుగా వస్తోంది. ఈ క్రమంలో కెసిఆర్ ను పద్మారావు కలిసి బోనాలు వేడుకలకు, తన నివాసంలో విందుకు ఆహ్వానించారు. పద్మారావు గౌడ్ తో పాటు ఆయన కుమారులు ఈ కార్యక్రమంలో పాల్గొన్నారు.
