సంగీత్ బార్ అండ్ రెస్టారెంట్ బీర్ లో చెత్తా చెదారం
సంగీత్ బార్ అండ్ రెస్టారెంట్ బీర్ లో చెత్తా చెదారం
సంగీత్ బార్ నిర్వాహకులపై కస్టమర్ల ఆగ్రహం
ఎల్లారెడ్డి: ఎల్లారెడ్డి మున్సిపల్ కేంద్రంలోని సంగీత బార్ అండ్ రెస్టారెంట్ లోని బీర్ లలో చెత్తాచెదారం వస్తుందంటూ శుక్రవారం కస్టమర్లు ఆందోళన వ్యక్తం చేశారు. ఎల్లారెడ్డి మండలం అన్నసాగర్ చెందిన ఇద్దరు వ్యక్తులు ఎల్లారెడ్డి మున్సిపల్ పరిధిలోని సంగీత బార్ అండ్ రెస్టారెంట్ కు మద్యం సేవించడానికి వెళ్లారు. ఈ క్రమంలో బార్ లో బీర్ లు ఆర్డర్ చేసి మద్యం సేవిస్తుండగా బీర్ లో చెత్త చెదరం ఉన్నట్టు గుర్తించి బార్ నిర్వాహకులను నిలదీశారు. పోలీసులకు సమాచారం ఇచ్చి బార్ ని మూసివేయాలని డిమాండ్ చేశారు సంఘటన స్థలానికి చేరుకున్న పోలీసులు కస్టమర్ తో మాట్లాడి చెత్తతో ఉన్న బీర్ ని గుర్తించి బార్ నిర్వాహకులపై సంబంధిత శాఖ అధికారులకు నివేదికను సమర్పిస్తామని తెలిపారు. కాగా నిర్వాహకులు పర్యవేక్షణ లేకుండా వ్యవహారిస్తున్నారని పలువురు కస్టమర్లు ఆగ్రహం వ్యక్తం చేస్తున్నారు. గతంలో కూడా ఇదే సంగీత్ బార్ లో ఇలాంటి సంఘటనలు పునరావృతమయ్యాయని ఇకపై కాకుండా చర్యలు తీసుకోవాలని కస్టమర్లు ఎక్సైజ్ ఉన్నతాధికారులకు పోలీసులకు డిమాండ్ చేస్తున్నారు.
